|
1994
Zoeeas beej vuuerige ieew wis now beschrieeve, waas ut hieel meujelik um vor de minse
di-j boeete Wieert woeendje en nao schoeel ginge nog oppe dieensdig in Wieert te zeen. In 1994 haaje
dus eigelik mer un paar minse. ‘s Merreges besloeete Jos van Dre
van Piepzaod Sjefke en
Eric van Martien van Driek van Tupties
um met z’n twieeje mej te doon aan ut Toet en Blaosfieest.
Vae schreeve in onger de naam Jos van Dre van Piepzaod
Sjefke en Eric van Martien van Driek
van Tupties in nauwe saamewerreking
met Joekskepel V.V. de Moosknienkes.
Jos leep met ‘t bord en Eric met ‘n
Duracell knien, en verrek vae
krieege un ieervolle vermelding.
1995
In dit jaor hebbe vae
de knien mer in ‘n aoj doees gedaon
en Jos leep weer met ‘t bord vuuerop, ‘t kan ouch angers um zeen gewaesj det Eric met ‘t
bord hieef geloupe, det weite vae
neet mieer. ‘t motto waas in eeder geval “Meziek uut de aoj doees
“.
1996
Umdet in dieese
tiet Rowwen Hezen nogal in trek waas, besloote vae um mer unne
bloees aan te trekke, dae kepot te trekke zoeedet oeese boeek te zeen waas, en heej op hebbe vae unne piano geschmickt. “Penspiano concerto” waas ut
motto en vae motte zegge, ut waas best kaot met dae kepotte bloees.
1997
In 1997 hebbe vae Blaosspektakel
verzonne. Aangezeen vae behuuerlik heej last van haaje, koste vae oppe dieensdig
neet vol beer dreenke. Ouch
moste vae dit jaor zoeevol
rotzooi mej sleipe, det vae Johan van Wasemkap Tjeu mer as aspirant-lid vanne Joekskepel gevraogdj hebbe. Johan, ouch bekindj onger de naam Watje es op 23 Augustus
1997 geinstallieerdj as 3e lid vanne
Joekskepel.
1998
Det waas ut jaor det vae
vor ‘t ieerst offisjeel met z’n drei-je woore. Eric haaj hieel waat
oore doeergebrachtj inne scheur um ‘n aantal gekniktje vioole te maake. Vae haaje
dan ouch as motto, kloeetvioole.
En zeg now zelluf hejjae oeets vioole op kruueshuuegdje zeen blui-je. Vae mochte ‘s aovus de knauwelpriees in ontvangst neeme.
1999
Ouch dit jaor blieke vae met oees motto inne roees geschoeete te hebbe. “Maastreechter
staar met as subtitel Harmonika Lewinski
en ‘n sigaar uut eige
doees waas zat vor de twieedje knauwelpriees op ri-j. ‘t es best meujelik um met fleenk waat beer op doeer van di-j sterreke brille te kieeke, mer nao un
oor of drei-j zeejjae
‘t verschil neet mieer.
Boeeve op ‘t podium hebbe vae tieege
elkaar gezagtj, Drei-j kieer op ri-j en ‘t jaor d’r op gaon vae skiee-je.
2000
In de noowe ieew kwaam
Jos op ‘t idee um
toch mer met ‘n vettig motto te koome. Diees motto’s waere aan de loupendje
band doeer Jos verzonne( kiektj heej vor
ouch beej de Knoosmienkes). In eeder geval kwaame vae dit jaor met Klapmars, woeebeej vae de sjokolaad
oeeveral haaje hange behalve in oeese moond. Eric hieef er zellufs nog waat groeete ontstaekingen op zieen naas aan oeever gehaoje nao de vastelaovundj. Vuuerdeil waas det vae in eeder geval in 2001,
neet op ski-verkansie moste
gaon.
2001
Aangezeen vae vuuerig jaor Jos zieene zin hebbe gegaeve, waas ut in 2001 wieer
tiet vor een minder vettig motto. Weej det de kastanjele
vanne boum aaf veele, hebbe
vae unne groeete houp beej elkaar gezochtj. Saame met appelesieene-netjes
en waat spaanse
klei-jer kwaame vae tot “Kastanje-nette”.
Heej mej wonne vae dit jaor de knauwelpriees.
2002
D’n daag waerdj
dit jaor begonne met
‘n good ontbijt saame
met de geknakdje Stieel. Vae haaje “de allein asse
iees en iees kaot es”, de Geknakdje Stieel haaj de leiverworst en de cervelaat. Tiege un oor of twiee hebbe vae
toch mer besloeete um de straot
op te gaon. Beej hoeege uutzondering woore vae dit jaor met 4 man, want weej kujjae angers
un kwartet vorreme. Striekkwartet, met een striekieezer
en ‘n Sesamstraot-kwartet en vuueral lomp kieeke woore de ingrediente vor dit jaor. Komplieet zonger det vae d’r
op geteldj haaje, krieege vae de
knauwelpriees vor diees uutbieelding.
|
|
|
|
2003
‘t wuuerdj ongerhand tradisie, det um de drei-j
jaor Jos de oeeverhand krieegtj met de vettige motto’s. Aangezeen vae nao drei-j jaor
eindelik de mars uut de haor
haaje, koste vae os begaaje met jam. “Jamsessie”, waas ut motto,
en d’r zeen hieel waat minse
langs de kant di-j unne boeeterham van ons gekrieege hebbe en nog opgegaete hebbe ouch. Vor
‘t twieedje jaor hebbe vae
beej de tent oppe merrektj( van de geknakdje Stieel) wieer saame gegaete en gedroonke.
2004
As dejjae good geteldj het, dan wi-je now det vae dit jaor
vor de ellufdje kieer mej doon as Joekskepel VV de Moosknienkes. Vae hebben
dan ouch reseptie gehaoje oppe merrektj saame met ut spek aete vanne
Rogstaekers. Dit jaor haaje vae: " Valse Wies", en
weem angers as Jos kos d'r baeter spuuele as valse Wies.
2005
Neteurlik um 12.00 oor beginne met
herst, beer, worste en jagermeister. Naodet vae oees directe concurrente
gefillisitieerdj haaje met eur 1 x 11 jaor bestaon(astebleef
Geknakdje Stieel) waas ut tied um de lei-jer op te gaon. Watje met
un lei-jer en Jos en Driek. Dit jaor waas ut motto "Toeenlei-jer,
woeebeej zoeewaal Jos as Driek aan ut indj koppien haaje, waat neet
van ut beer waas.
 trök nao boeeve
2006
Yeh, vae hebbe lang motte dînke waat vae dit jaor zoojje doon.
Uuteindelik kwoome vae op "Sjonnies Hoes". Hieël toevallig hieet Jos
's merreges nog contact gehatj met Johnny Hoes junior, waat eigelik
'n vuuerteiken mos zeen, mer det es 't neet gewoeëre. Legendarisch
woore de wuuerd van Watje beej Munte, kiektj mer neet nao mich,
wacht mer tot di-j anger heej zeen. Waat hae dao mej bedoeldje es
Jos en Eric tot op heede nog neet duudelik. In eeder geval es waas
wieer gezellig.
trök nao boeeve
2007
Op dieensdig 20 fibberwaari
2007 waas 't vreug daag. D'r moste naamelik
3 minse ingegipsj waere met allebei de errem. Dit
zuut neteurlik waal leuk uut mer praktisch es 't neet. Probieertj
mer 's un pilske te dreenke met diees errem ingegipsj,
det gieet dus neet. En de
hieele tied beer met 'n
rietje dreenke gieet uch ouch neet in de kaoje klei-jer zitte. Laot staon
dejjae ouch nog gitaar motj spuuele. De Gipsy Kings in Wieert, det kriegtj neet eederein klaor. Vae weite allein
neet mieer woee al di-j handteikeninge van zeen op
oees gips........
trök nao boeeve
2008
In ieerste instantie met 'n anger
motto, besloote vae dan
toch 's merreges met 'n anger
motto nao 't Toet en Blaosfieest te gaon. De Tosti Bend. De
jaorlikse ingrediente van Beer en Jagermeister, mer dit jaor vuuernamelik
halve liter met sneeuwwitjes waare zat um 'ne geweldjige middug van te maake.
Jos bakjde de tosti's op terasse en in kefees. In ein woeerd geweldjig gewoeen.
Ut oeerspronkelikke motto ligtj nog inne kast vuuer volgendj jaor.
trök nao boeeve
2009
Vae hebbe eindelik us 'n jaor , woeebeej vae neet aafwieke van ut motto op
dieensdig merrege. Zwaore vuuerbereidinge van te vuuere, woee onger un klei-j
taofel ophaale in Sint Oedenrode. Thema waas "Vae krieege um neet umhoeeg ".
Ut waas dit jaor de nowwe opzet van de Slaag umme merrentj en det beveel os
good. Unne veerdje priees waas ut resultaat van dit jaor.
trök nao boeeve
2010
Op dieensdig 17 fibberwari
waas ut wieer dao. De 2e Slaag umme Merrentj Vanaaf 11.00 oor beejein in kefee de hermeni-j en vanaaf 13.00 oor 'ne nowwe slaag umme merrentj.
Stinke wi-j Boore motte stînke, en Boore wi-j Boore Boore. Vae haaje as motto:
Boorekepel en stonke 'n oor inne wîndj. Ut waas wieer gezellig met de
koldergezelschappe ongerein. Prefisiat aan de Jensers vör ut winne vanne
Knauwel op dieensdig.
trök nao boeeve
|
